पिंपरी चिंचवड : (संपादक) : शाम सोनवणे
आपल्या लेखणीतून अन्यायाला वाचा फोडणारे आणि पिंपरी-चिंचवडमधील पत्रकारितेतील एक अनुभवी व्यक्तिमत्व, दैनिक ‘वृत्तरत्न सम्राट’चे झुंजार पत्रकार अशोक उर्फ नाना गायकवाड यांचे आज, १ एप्रिल २०२६ रोजी सकाळी ९.०० वाजता वाय.सी.एम. रुग्णालयात उपचारादरम्यान निधन झाले. त्यांच्या जाण्याने पत्रकारितेच्या क्षेत्रातील एक मार्गदर्शक हरपल्याची भावना व्यक्त होत आहे.
दापोडी येथील स्मशानभूमीत सायंकाळी ५.०० वाजता त्यांच्या पार्थिवावर अंत्यसंस्कार करण्यात आले. नाना गायकवाड यांच्या निधनाचे वृत्त समजताच पत्रकार वर्तुळात शोककळा पसरली.
पत्रकार कक्षात शोकसभा:
आठवणींना दिला उजाळा
पिंपरी-चिंचवड महानगरपालिकेतील ‘भा.वि.कांबळे पत्रकार कक्षा’मध्ये नाना गायकवाड यांना आदरांजली वाहण्यासाठी शोकसभा आयोजित करण्यात आली होती. यावेळी ज्येष्ठ पत्रकार नाना कांबळे आणि बापूसाहेब गोरे यांच्यासह शहरातील अनेक पत्रकार उपस्थित होते.
नाना कांबळे (ज्येष्ठ पत्रकार):
“दैनिक पवना समाचारच्या जडणघडणीत नाना गायकवाड यांचा मोलाचा वाटा होता. त्यांच्या कामाप्रती असलेल्या निष्ठेमुळे अनेक तरुण पत्रकारांना प्रेरणा मिळाली.”
बापूसाहेब गोरे:
“अन्यायाविरुद्ध लढणारा आणि सामान्यांचे प्रश्न मांडणारा एक खरा झुंजार पत्रकार आपल्यातून निघून गेला आहे, ही पत्रकारितेची मोठी हानी आहे.”
सायली कुलकर्णी :
त्यांनी नानांच्या कार्याचा गौरव करत त्यांना अभिवादन केले.
उपस्थित पत्रकार:
यावेळी प्रवीण शिर्के, सुनील उर्फ बाबू कांबळे, युनिस खातीब, संत लाल यादव, दिलीप देहाडे, दिनेश दुधाळे, सुरज साळवे, गणेश शिंदे, विनय लोंढे, देवा भालके, मुकेश जाधव, संतोष जराड, रोहित खरगे, विनायक गायकवाड, युवराज दाखले आणि शाम सोनवणे यांसह अनेक पत्रकार उपस्थित होते. सर्वांनी दोन मिनिटे मौन पाळून आपल्या या सहकाऱ्याला श्रद्धांजली अर्पण केली.